Konsert måndag 14. mars 2016

Gregoriansk musikk lovprisar Maria som Guds mor og himmeldronninga, men også som ein omsorgsfull og nådefull person.

14. mars 2016, kl 20.00 blir det ein kort konsert med gregoriansk song i Sola ruinkyrkje med tema Maria.

Fri entré - Kollekt ved utgangen

Adventsvesper, 2. sundag i advent

LAURDAG 5.12.15 er vi inviterte til å synge adventsvesper i St. Svithun katolske kirke i Stavanger, kl. 17.15.

SUNDAG 6.12.15 syng vi som vanleg adventsvesper i Sola ruinkyrkje.

Fri entré - Kollekt

der har eg det som fisken i vanne'

Laurdag 28.11.15 syng vi i Rosenkrantztårnet i Bergen.
Vi har kalla konserten "Himmeldronninga".
Arrangementet er ein del av Bergen middelaldermusikkdager. - Vi er glade for nok ein gong å vere inviterte; dette ser vi fram til kvart år!
http://www.bmmd.no/

Schola Solensis - 20 år!

Invitasjon til 20 års markering for Sola ruinkyrkje og Schola Solensis

Laurdag 31. oktober 2015, kl 12 – 16 i Sola ruinkyrkje

 

Syng Kyrkje, Syng  

Psallat Ecclesia

 

Føredrag:

• Alf Tore Hommedal, Førsteamanuensis Universitetsmuseet i Bergen, ansvarleg for utgraving av kyrkjeruinen i 1986, og fagkonsulent for gjenreising av kyrkja. Emne: Historia om Sola ruinkyrkje 
• Åslaug Ommundsen, Forskar, Institutt for lingvistiske, litterære og estetiske studier, Universitetet i Bergen. Emne: Norske handskriftfragment og den gregorianske songen 
• Marianne Evensen, Kulturkonsulent i Sola. Emne: Marinemålar  Johan J. Bennetter – han som redda ruinkyrkja. Det blir vist måleri. 

Schola Solensis syng gregoriansk song mellom innslaga

Schola Solensis. Foto: Gunnar Grøsland

 

 

Påmelding til asbjorg.vaaland@lyse.net innen 17.10. Pris: kr 200. Faktura blir sendt etter registrert påmelding. Arrangør: Schola Solensis i samarbeid med Sola kulturkontor. Enkel servering. Velkomen!

Sørbø kyrkje på Rennesøy - Vesper med noko attåt

Schola Solensis er invitert til å vere med på vesper i Sørbø kyrkje på Rennesøy.

Etter vesperen (som varer ein halvtimes tid) er det kyrkjekaffi og scholaen vil ha eit kort føredrag om gregoriansk song, med innlagte, musikalske eksempel.

Hjarteleg velkommen!

Fri entré

MIDDELALDERKYRKJA SØRBØ: Sørbø kyrkje er ei høgendekyrkje, reist av ein høvding på garden Sørbø i tida mellom år 1130 til 1150, til bruk som soknekyrkje.
Før den vart reist har kristninga vore markert med eit steinkors på Krosshaug, omkring 300 meter fra kyrkja. Det står ein kross der også i dag, og eit bruddstykke av det eldste steinkorset er bevart.

Semesterstart

Måndag 17. august var songsemesteret i gong att for Schola Solensis sin del.

Vi har så mange planar; du skulle berre visst!
- Og du skal få vite om alt, men det kjem i mindre porsjonar. Vi kan likevel røpe at vi har tenkt oss til Bergen, vi dukkar nok òg opp i Stavanger domkirke og du kjem heilt garantert til å finne oss i Sola ruinkyrkje - utan samanlikning Noregs vakraste øvingslokale.

Tjueårsjubileum
I 2015 er det tjue år sidan Sola ruinkyrkje blei gjenopna som nettopp ei ruinkyrkje. Schola Solensis feirer same jubileet: scholaen kom til som ei direkte følgje av at Sola ruinkyrkje skulle gjenopnast i 1995. Scholaen er oppriktig glade i denne mellomalderkyrkja, og vi let ikkje eit jubileumsår seile forbi utan at vi markerer det. Du skal som få vite meir når det nærmar seg. Vi legg ut informasjon på Facebook gruppa til Schola Solensis og på denne bloggen.

Du skal vere hjarteleg velkommen til kvart eit arrangement!
Ta med deg nokon og rusle deg ein tur på stranda, om det er konsert i ruinkyrkja. Solastranda er fascinerande flott anten det er sommarsol, eller det er haust og ruskar ute.

Om du er blant dei som kunne tenkt deg å prøve å synge i lag med oss, kan du gjerne ta kontakt med dirigenten vår, Ragnhild A. Hadland.

Måndag 8. juni, 2015 - Kveldskonsert med Eivor Time

Schola Solensis utvidar den musikalske venekrinsen og har med seg folkemusikar Eivor Time på kveldskonsert. 
Eivor Time vil syngje og spele harpeleik. 
Schola Solensis vil framføre gregoriansk song, men òg nokre folketonar. 

Velkommen til Sola ruinkyrkje, måndag 8. juni, 2015 klokka 20.00.


 Fri entré - kollekt.

Maria bodskapsdag

Det nærmar seg Maria bodskapsdag, og då vil Schola Solensis syngje.
I år har vi med oss fløytist Elisabeth Barstad; dette gler vi oss til!

Måndag 23. mars, 2015
klokka 20.00 i Sola ruinkyrkje.


Fri entré - kollekt.

Følg oss på  Facebook!

Adventsvesper, 2014

Tradisjonen tru syng 

Scola Solensis adventvesper 

2. sundag i advent. 

I år syng me tidebøna i BISPEKAPELLET i STAVANGER, sundag 7.desember kl. 16.30 til 17.00. Kollekt.

Vel møtt!

Svithundagene i Stavanger, høsten 2014

Schola Solensis deltar sammen med Gunnar Skadberg. Gregoriansk sang og fortellinger om helgener knyttet til Stavanger.
Stavanger domkirke, torsdag 30.10.14 kl. 19.30
Bill. 150/100

Bergen middelaldermusikkdager

Sundag 7.9.14 kl. 15.30 syng Schola Solensis i Rosenkrantstårnet. Tittelen er "Helgenforteljingar".
Velkommen!
www.bmmd.no

Adventsvesper, 2. sundag i advent

Sola ruinkyrkje
2. sundag i advent
Velkommen!

Sandnes kirke

Onsdag 20. november, 2013 syng Schola Solensis i Sandnes kirke.

Bergen middelaldermusikkdager

Laurdag 7.9.13 kl. 20.00 syng Schola Solensis i Korskirken i Bergen.
"Song for heilage jomfruer"

Musikalsk smaksprøve

Følg lenka og få nokre musikalske smaksprøvar frå Schola Solensis sin forrige CD, "Psallat ecclesia".

Smakebit: "Psallat ecclesia" (CD)

Gjekk du glipp av dette arrangementet?

Abbedens hus opna

Fredag 21.6.2013 blei Abbedens hus opna. Schola Solensis fekk æra av å syngje på opninga av bygget.  I 1995 blei scholaen starta som eit prosjektkor for å syngje på opninga av Sola ruinkyrkje, og no, nesten tjue år seinare fekk vi altså vere med å opne nok eit gjenoppbygd mellomalderbygg. 

Abbedens hus er blitt eit vakkert bygg; berre taket kan få ein til å sukke henført. Eit flott bygg å syngje gregoriansk song i. 

Omtale av opninga i Stavanger Aftenblad:

http://www.aftenbladet.no/kultur/Komplett-kloster_-endelig-3202647.html#.UdL-pBzNqnZ

NRK Rogaland sitt innslag om Abbedens hus kan du sjå her (og det er altså ikkje Schola Solensis som syng i bakgrunnen; så mandige røyster har vi ikkje:):
http://tv.nrk.no/serie/distriktsnyheter-rogaland/dkro99062113/21-06-2013#t=6m18s
..............................................................

Mariakonsert i Sola ruinkyrkje

onsdag 24. april, 2013 kl. 19.30

Velkommen til konsert med Schola Solensis!

Denne onsdagskvelden vil vi framføre eit utval songar knytte til Maria. Dei ulike songane blir brukte til ulike tider i kyrkjeåret, og vi vil syngje både "kvardags-" og festversjonen av dei fleste songane. I tillegg vil du få høyre ei marialegende.

Fri entré - Kollekt.

Informasjon om arrangementet finn du òg på Facebook:

Mariakonsert - 24. april 2013 - kl. 19.30 - Sola ruinkyrkje

- Er du interessert i å prøvesyngje? Ta kontakt med dirigenten vår, Ragnhild Agathe Hadland.

Kven er vi?

Schola Solensis har sidan 1995 gått på oppdagingsferder i den gregorianske songen, og funne spanande stoff som venta på å bli framført. Me gler oss over å få liv i gløymde songar frå mellomalderen, og gjenskape dei for moderne tilhøyrarar. Frå eit stort repertoar set me saman gode konsertprogram, og er òg opne for særskilde ønske.

Songane er henta frå det gregorianske kjernematerialet og frå meir uvanlege, norske kjelder. Schola Solensis syng fleire av dei vakre hymnene og antifonane som vart skrivne til jomfru Maria. Til henne kunne folk i heile den kristne verda vende seg for hjelp og forbøn. Me brukar å gje jomfru Maria særskild merksemd i tida rundt marimesse 25. mars.

I den norske kristentrua vart Olav den heilage (d. 1030) tidleg ein helgen folk kunne samle seg om. Han  fekk sin eigen musikk, som er bevart i gamle mellomalderkjelder. Schola Solensis hentar gjerne fram Olavsmusikken til Olsokfeiringa 29. juli og andre høve. Ei anna feiring, særeigen for Nidaros, var festen for ein dyrebar relikvie som kom til Nidarosdomen september 1165: Kristi blod i ein gullring. Til denne festen vart det skrive eit eige officium. Fleire av songane herifrå framfører me jamleg på konsertane våre.

Dei siste åra har Schola Solensis utforska den særeigne sjangeren sekvensen, som var ein viktig del av kyrkjesongen i Noreg og Europa i mellomalderen.

Arbeidet med Thomas Becket-sekvensen "Aquas plenas" og Olav-sekvensen "Lux illuxit" lokka oss til å gå eit steg vidare, og på eiga hand leite fram sekvensar frå gamle kjelder. I oktober 2002 kunne me for første gong på nær 500 år framføre sekvensen for Stavangers skytshelgen, St. Svithun, "Psallat ecclesia mater decora".

Schola Solensis syng no sekvensar for advent, jul og påske, samt sekvensar for helgenane St. Laurentius, som Utstein klosterkyrkje er innvigd til, Sta. Sunniva, skytshelgen for Bergen, St. Nicholas, Sta. Lucia og Sta. Agatha.

..........................
Frå 1995 til 2004 kalla koret seg Schola Canto Gregoriano Sola. I 2004 skifta koret namn til  Schola Solensis.
..........................

CD-utgjevingar

2001: "Aquas plenas". (Spelt inn på Utstein kloster.)

2011: "Psallat ecclesia - sequences from medieval Norway". (Spelt inn i Ringsaker kirke, 1.-4. oktober 2009 av Lindberg Lyd AS. Recording producer: Wolfgang Plagge.)

BOOKING-informasjon

Ønsker du å booke Schola Solensis til eit oppdrag?
Har du ønsker om ein kort konsert? Ein lengre konsert? Forteljingar knytta til det vi syng? Vil du vi skal seie noko om gregoriansk song? Har du song-ønske? Vil du vi skal fortelje om Sola ruinkyrkje? Vil du overraske ein jubilant?
Ikkje nøl med å ta kontakt med dirigenten vår!

Do you want to book Schola Solensis?
Please contact our conductor!

BOOKING:
Ragnhild A. Hadland
+47 975 13 100
ragnhild.hadland@lyse.net